Archive for April, 2009

Խմորը շարունակում է ջուր տանել

April 28, 2009

dashnakԹասիբները մի քիչ աշխատեց և դաշնակները հեռացան կոալիցիայից, բայց հավանաբար մինչև ընտրությունների վերջ: Քանի որ այս ընտրություններին “դհոլներ” կարծես չկային, դրանց պակասությունը զգացվում էր: Դե չէ անհասկանալի է դաշնակների` կոալիցիայից դուրս գալու ձևակերպումները` անհամաձայնություն հայ-թուրքական հարաբերությունների հաստատման ֆորմատի, լավ բռնվեք` ղարաբաղյան կարգավորման հետ: Սրանք կամ շատ խորը քնի մեջ են եղել, ու հանկարծ զարթնել են ապրիլի 27-ին ու հայտնաբերել, որ բանը բանից անցել է, կամ, որն ավելի հավանական է և հաստատում է իմ` վերոնշյալ պնդումը, “դհոլի” աթոռն ազատ էր, դաշնակներից էլ լավ թեկնածու չկա: Ձեռի հետ էլ “Հոպարը” (ասում են իշխանական շրջանակներն ի հակակշիռ Լևոն Տեր-Պետրոսյանին վերջինիս շրջապատում “պապիկ” կոչելուն, Սերժին իրենց կռուգում կոչում են Հոպար) կփչացնի այդ ազգային արժեքը` Հայ հեղափոխական դաշնակցությունը:

Այսօր էլի խոսել է Վարդան Օսկանյանը, որը դժգոհել է ՀՀ իշխանություններից: Քոչարյանը մոտակայքում է… Հոպար, զգու’յշ…

Advertisements

Դպրոցը քայքայվել է…

April 27, 2009

100% tsutsakԱյլևս չի կարելի երեխաներին ուղարկել հայկական դպրոց: Այն ինչ կատարվում է այնտեղ, ուղղակի բեսպրեդել անվանելն էլ է քիչ: Պարզապես ուսուցչին վերածել են ստրուկի, ինքն էլ չի դիմադրում: Այն ջանասիրությամբ, ինչպես նա հավաքում է 100 տոկոսանոց ցուցակները, նույն ջանասիրությամբ էլ Չյոռնի Գագոյի և նրա շեֆերի հրամանով կփչացնի աշակերտների ուղեղները, որպեսզի մտածող մարդ չլինի:

Այս խմորը դեռ շատ ջուր է տանելու…

April 25, 2009

Հայ-թուրքական հարաբերություններ, Ցեղասպանության ճանաչում, Օբաման կարտասանի՞, թե ոչ, Օբաման չարտասանեց…

Ահա այս մի քանի նախադասություններն ու կապակցությունները երեկ անընդհատ շրջում էին Երևանով մեկ, հեռուստատեսությամբ, Ծիծեռնակաբերդում, ինտերնետը հեղեղված էր դրանով: Բռնվե’ք, դաշնակները դուրս են գալիս, որը եթե իրականություն դառնա, ապա արդեն չափազանց ուշ է, պալիտ եք եղել, վերջ:

– Կիրո, դեմն ընտրություններա… Թքած մեր բիզնեսների վրա, արի’ դուրս գանք:

– Իհարկե թուրս գանք, Վահան ջան, խայթառակ ենք լինում:

Սերժն էլ խոսեց, բայց խոսքում մի համոզիչ բառ չկար…

Կրկին անգամ ապացուցեցինք, որ դեռ երկար ճանապարհ ունենք` “մեր ուզած” ազգը դառնալու համար…

Բայց որ դեռ զարգացումներ լինելու են, այն էլ ներքաղաքական, այն էլ խորը ճգնաժամի տեսքով, էտ հաստատա… Կարսն ու հանձնաժողովը հանգիստ չեն տալու…

Ապրիլի 24…

April 24, 2009

genocide

Լուսանկարն` այստեղից

Հայ-թուրքական զարգացումներ

April 24, 2009

Իսկ ՀՅԴ-ն դերի մեջ է, բայց նրա խաղն այլևս ոչ մեկի չի հետաքրքում…

 armenia-turkeyԱյսօր բազմաթիվ էին արձագանքները` հայ-թուրքական հաշտեցման` ՀՀ և Թուրքիայի արտգործնախարարությունների հայտարարության վերաբերյալ: Խոսեցին շատ քաղաքական ուժեր` ցեղակրոններից մինչև կատարյալ անողնաշարներ: Ուշագրավ էր ՀՅԴ “բարկությունը”, որը հայտարարել է, թե կվերանայի իր մասնակցությունը կոալիցիային. “Արձանագրելով, որ այս ընթացքը ենթադրում է բացասական առումով Հայաստանի արտաքին քաղաքական ուղեգծի փոփոխություն, Հայ Յեղափոխական Դաշնակցությունը կոալիցիային իր մասնակցության նպատակահարմարության հարցը կքննարկի առաջիկա օրերին:” Բայց, ցավոք, ուշ է: Ոչ մեկի արդեն չեք հետաքրքրում: Վերջ: Ու, Աստված չանի, որ այս ամենն արած լինեք ընտրություններին մի երկու տոկոս ավել տանելու համար: Առանց այն էլ լքված եք բոլորի կողմից, սա կլինի գագաթնակետը:

Միակ խելքը գլխին հայտարարությունն արել է ՀԱԿ-ը` առանց որևէ ջղաձգումների` պահանջելով “անհապաղ հրապարակել ոչ միայն Հայաստանի, այլեւ ողջ հայության շահերին առնչվող այս փաստաթուղթը: Ինչ վերաբերում է Հայ ազգային կոնգրեսի՝ սույն փաստի քաղաքական գնահատականին, այն մենք կտանք նշված փաստաթղթի պաշտոնական հրապարակումից հետո։”

Ցավոք, այս բլոգում վաղ առավոտյան տեղադրված հոդվածում կարծիք էր արտահայտվել, որ սա հիասքանչ նվեր է Թուրքիային` ապրիլի 24-ից առաջ, իսկ Օբամային այս քայլը հնարավորություն է տալիս իրերն իրենց անունով չկոչելու համար: Այդ կարծիքը կիսում են թե տեղական և թե շատ օտարերկրյա մասնագետներ:

Այսօրվա զարգացումների վերաբերյալ առավել ուշագրավ հրապարակումները`
http://www.nytimes.com/2009/04/24/world/europe/24turkey.html?ref=world
http://www.rian.ru/world/20090423/169090169.html
http://www.rian.ru/politics/20090423/169028120.html
http://www.regnum.ru/news/fd-abroad/armenia/1155184.html
http://www.ft.com/cms/s/0/af07367a-2ff7-11de-a2f8-00144feabdc0.htmlhttp://tert.am/am/news/2009/04/23/washingtonpost/
http://tert.am/am/news/2009/04/23/opinionexpert/

Ինչքա՞ն գումար է պետք երջանիկ լինելու համար…

April 24, 2009

happinessՀիշու՞մ եք “Ոսկե ցլիկի” մեջ Օստապը Շուրա Բալագանովին հարցնում է.

-Շուրա, ազնիվ պատասխանի, քեզ որքա՞ն գումար է պետք երջանիկ լինելու համար: Միայն թե լրիվ հաշվե’ք:

– Հարյուր ռուբլի,- պատասխանեց Բալագանովը` դժկամությամբ կտրվելով կալբաս հացից:

– Դուք ինձ ճիշտ չհասկացաք. ոչ թե միայն այսօ’ր, այլ ընդհանրապես: Երջանկության համար: Պա՞րզ է: Որպեսզի Ձեզ լավ զգաք կյանքում:

Բալաբանովը երկար մտածելուց հետո պատասխանեց, որ լիարժեք երջանիկ լինելու համար իրեն պետք է 6400 ռուբլի և այդ գումարը բավարար է, որպեսզի նա իրեն շատ լավ զգա:

Երևանում այսօր դատ էր. Ռ. Քոչարյանի ընտանիքը դատի է տվել “Հայկական ժամանկին” իբր սուտ լուր տարածելու համար, ըստ որի՝ նախագահի որդին Դուբայում դեբոշ է սարքել ու տեղի ոստիկանության կողմից բերման է ենթարկվել։ Ընդ որում երկար ու բարակ մտածելուց հետո հայցադիմումի մեջ նշել են 16 120 000 դրամ գումար: Թե ոնց է այս գումարը գոյացել, Նիկոլ Փաշինյանը շատ լավ ներկայացրել է:

Ավելացնեմ միայն, որ Շուրային պատահական չհիշատակեցի. այ մարդ, Քոչարյաններին 16 120 000 է պակասում` երջանիկ լինելու համար: Վերջ: Էլ պրոբլեմ չունեն, էս փողն էլ ստանան ու ֆսյո: Լիքը վիզկապներ են առնելու…

Հ.Գ. Երկար տարիներ մեր երկիրը ղեկավարած մարդը մի կարգին փաստաբան չի կարողացել գտնի` հայցադիմումը ճիշտ ձևակերպելու համար: «ՀԺ»–ից ներկայացուցիչ չկար դատալսմանը, քանի որ «ՀԺ»–ն անշունչ առարկա է, իրավաբանական կամ ֆիզիկական անձ չէ, որի շահերը կարելի է ներկայացնել։ Ասել Նիկոլը, ոնց որ “սա մոտավորապես նույնն է, թե ինչ-որ մեկը դատի տա «Գրանդ քենդիի» «Արջուկը հյուսիսում» շոկոլադին, եւ դատարանն էլ «Արջուկը հյուսիսում» շոկոլադին պատասխանող ճանաչի:”

Հերթական ֆռի՞կ, թե՞ առաջընթաց…

April 23, 2009

Այսօր գիշեր շատ լրատվամիջոցներ հայտնել են այն մասին, որ Հայաստանի և Թուրքիայի արտգործնախարարները Շվեյցարիայի արտգործնախարարի մասնակցությամբ համատեղ հայտարարությամբ են հանդես եկել` հաստատտելով երկկողմ հարաբերությունները կարգավորող հստակ ժամանակացույց և ծրագիր: Իհարկե սա բավականին ուշագրավ լուր է, եթե հերթական ձգձգման և պրոցեսի երկարացման առիթ չդառնա: Հետաքրքիր կլինի նաև իմանալ, թե որն են “ճանապարհային քարտեզի” կետերը: Կրկին արտահայտում եմ իմ մտահոգությունը համատեղ հանձնաժողովի ստեղծման վերաբերյալ, որը կքննի ցեղասպանության եղելիության խնդիրը: Սա թույլ տալ չի կարելի:

Մի բան, այդուամենայնիվ, ակնհայտ է. Թուրքիան ապրիլի 24-ից առաջ ստացավ անհավանական թվացող նվեր: Օբաման այլևս ալիբի ունի և կարող է առխային Ցեղասպանություն բառը չարտասանի: Բա հո հայ-թուրքական հարաբերությունների այս “բարձր” մակարդակը մի բառով չի՞ բռնի ու խափանի: Հայ դիվանագիտությունն էլի իր “բարձրության” վրա է:

http://www.armeniaforeignministry.com/index_arm.html

http://tert.am/am/news/2009/04/23/erdoghanbabacan/

http://en.rian.ru/world/20090423/121256527.html

http://www.google.com/hostednews/ap/article/

ALeqM5hMIVhRL1IZsbsjcPwt34qFbwomhgD97NQ1HG0

http://www.jpost.com/servlet/Satellite?cid=1239710763306&pagename=JPost/JPArticle/ShowFull

http://news.rambler.ru/search?query=армения%20турция&site=268CCE&sort=0

http://www.bloomberg.com/apps/news?pid=20601102&sid=a82zb_XUTeUA&refer=uk

Նույնիսկ Արարատի մարզում ՀՀ քաղաքացին է որոշելու որտեղ քայլի…

April 22, 2009

Այսօր ռեժիմի կարկառուն ներկայացուցիչներից մեկը հերթական փայլատակող մտքերն է հայտնել: “Ազատություն» ռադիոկայանի հարցին, թե Երեւանի Հյուսիսային պողոտայում ցուցարարների նկատմամբ գրեթե ամեն օր կիրառվող բռնությունները ե՞ւս ժողովրդի շահերից են բխում (մինչ այդ ոստիկանապետն արձագանքել էր հհկական օլիգարխների բանդաների ձերբակալմանը), ոստիկանապետը արձագանքեց. – «Եթե քաղաքական զբոսանք` խնդրեմ, քայլեք Երեւանով, զբոսնեք, զրուցեք, ձեր հարցերը քննարկեք իրար հետ, բայց մեկ վայր ստեղծել, որը արգելված է մնացածին քայլել, որովհետեւ էդ վայրում ամեն րոպե կարող են կոնֆլիկտներ լինել` մենք դա թույլ չենք տա»:«Հանգիստ թողեք Հյուսիսային պողոտան: Հրահրել ոստիկանին, մոտենալ, քաշքշել, ինչ-որ մի բան ասել, վիրավորել, վերջում էդ պահը օգտագործել` «տեսեք, ինձ հրեց», կարծում եմ, սա չի կարելի եւ ընդունելի չի», – ասաց ոստիկանապետը` ամփոփելով. – «Հյուսիսային պողոտան կառուցվել է այս իշխանությունների օրոք: Խորհուրդ եմ տալիս այնպիսի մի տեղ ստեղծել այս օջախը, որը ստեղծվել է նախկին իշխանությունների օրոք, նկատի ունեմ հենց էդ, ովքեր կազմակերպում են էս միտինգները»:
Ի՞նչու այսքան մեջբերում արեցի: Այն պարզ պատճառով, որ Ալիկ Սերգեյիչի պատասխանում ամփափված է ՀՀ ոստիկանության գործողությունների ողջ տրամաբանությունը: Հիշու՞մ եք նախորդ հրապարակումներից մեկում ասեցի, որ տրամաբանություն չեմ տեսնում ոստիկանության գործողություններում ու սկսել էի ՀՀ մերօրյա իշխանությունների գործողություններում շատ լուրջ ծրագրեր փնտրել: Բայց ինչպես ասում էր հայտնի դասականը` все гениальное просто! (հանճարեղությունը պարզության մեջ է): Հեռու էի փնտրում, մոտիկ գտա. Ալիկ Սերգեյիչը ցնցեց: Ոստիկանին հրահրելու ոստիկանապետի պնդումները լրիվ տեղավորվում են սովետական ոստիկանական դպրոցն անցածի մտածելակերպի մեջ` գալիս եք, էն խեղճ Ռոբերտ Մելքոնյանին (Բազազ) քաշքշում եք, վիրավորում եք, ամեն օր ճղած շորերով տուն ա գնում, բա տենց կլնի՞: Դրա համար էլ հենց քաղաքական զբոսանքի մասնակիցն ասում է` Բազազն ինձ անպատվեց կամ խփեց, իրավապահները ռեակցիա չեն տալիս, որովհետև դա ստոր հերյուրանք է: Եվ վերջ:

Իսկ ոստիկանապետի վերջին միտքն ընդհանրապես գլուխգործոց է. գնացե’ք ման եկե’ք այնպիսի տեղերում, որն այս իշխանությունները չեն կառուցել: Հիշու՞մ եք, որ Ռոբերտ Մելքոնյանն ասել էր իմ կարգախոսն “Առաջ, Հայաստանն” է: Այ մարդ, սրանք դառել են քաղաքական գործիչ: Լրիվ քաղաքական հայտարարություններ են անում: Էստեղ մի քայլի, էս իմ քաղաքական լիդերն է սարքել, էս իմնա, էնի քոնը: Պարոն ոստիկանապետ, իմ քաղաքում ես եմ որոշում որտեղ քայլեմ և ինչ տևողությամբ: Ձեր պարտականությունն իմ անվտանգությունն ապահովելն է և վերջ: Մնացե’ք Ձեր լիազորությունների սահմաններում:

obezdՀ.Գ. Խորհուրդ կտամ սկսել համապատասխան նշաններ տեղադրել քաղաքում` գետտոները մատնանշելու համար

 

 

 

 

Լուսանկարը` justmedia.ru

Էս ի՞նչ են անում Հայաստանի բարեկամ երկրների հետ… :)

April 20, 2009

Առանց մեկնաբանության… Դիտե’ք…
http://www.youtube.com/watch?v=5hlxvMYu28Y

Ahmadinejad on Human Rights

 

Լուսանկաևը` tpinews

Կրկին գործընթացներն արագանում են

April 18, 2009

Այսօր Արցախյան հիմնախնդրի հետ կապված մի շարք ուշագրավ հայտարարություններ են հնչել:
aliev_medvedevԱլիևը Մոսկվայում Մեդվեդևի հետ հանդիպման ժամանակ հույս է հայտնել, որ մոտ ապագայում հնարավոր կլինի առաջընթաց արձանագրել բանակցային գործընթացում` հաշվի առնելով այն փաստը, որ մի շարք դժվար հարցերի շուրջ կա համաձայնություն, այն դեպքում, երբ անցյալում դրանք դժվար լուծելի էին համարվում: Իր հերթին ՌԴ նախագահ Դմիտրի Մեդվեդևը հայտարարել է, որ “կան հեռանկարներ, և առաջին հերթին պետք է հիմնվել միջազգային իրավունքի և ԵԱՀԿ և ՄԱԿ-ի կողմից ընդունված բանաձևերի վրա: Դրա համար ես կարծում եմ, որ սկզբունքորեն առաջխաղացում կա…”:
Հասանք… ՄԱԿ-ի և ԵԱՀԿ-ի կողմից ընդունված բանաձևերը բոլորն էլ համարվում են ոչ հայանպաստ… Թե ի՞նչ հունով են գնում բանակցությունները, եզրակացությունը թողնում եմ Ձեզ:
Բրայզան էլ էր այսօր ակտիվ: Նրա հայտարարության տոնն էլ ստիպում է եզրակացել` տղե’ք բռնվեք: “Առաջիկա մի քանի ամիսների ընթացքում մենք պետք է (նշված է իմ կողմից Ա.Ծ.) կոնկրետ արդյունքների հասնենք: Մենք պետք է (նշված է իմ կողմից Ա.Ծ.) շոշափելի առաջընթաց գրանցենք Լեռնային Ղարաբաղի հակամարտության հարցում: Կարծում եմ, որ այդ առաջընթացը շատ մոտ է, և հույս ունեմ, որ մենք այն կտեսնենք նախագահներ Սարգսյանի և Ալիևի` հաջորդ ամսին սպասվող հանդիպման ժամանակ»“,- ասված է Բրայզայի հայտարարության մեջ: Պետք է, ուրեմն պետք է անեք: Օբաման ու Քլինթոնը լուրջ են տրամադրված. “Դա հավասարակշիռ և արդար պայմաններ կստեղծի գործընթացը տեղաշարժելու համար` հաշվի առնելով տարածաշրջանի երկու էթնիկ խմբերի անվտանգության ապահովման մեխանիզմները, տարածքները վերադարձնելը, փախստականներին իրենց բնակավայրերը հետ բերելը:” Էլի փախստականներ, տարածքների վերադարձ: Ի դեպ այսօր խոսել է նաև “զավթված” (occupied) տարածքներ բառակապակցությունն ընդունած առաջին պաշտոնյան` Վարդան Օսկանյանը:
Այսօր դժգոհել է Արցախի հիմնախնդրի կարգավորման գործընթացից ու Թուրքիայի հետ հարաբերություններ հաստատելու բանակցություններից: Բայց իրականում ասածի մեջ նյութ չկար: Ինչպես միշտ…

Հ.Գ. Այսօր Բրայզան հանդիպել է ՀԺԿ նախագահ Ստեփան Դեմիրճյանի, Հանրապետություն՚ կուսակցության նախագահ Արամ Սարգսյանի, ՀՀՇ վարչության նախագահ Արարատ Զուրաբյանի և Կոնգրեսի համակարգող Լևոն Զուրաբյանի հետ:

Լուսանկարը` gazeta.ru